প্ৰেম
তুমি কথা পাতিছিলা
মই গুণগুণাইছিলোঁ___
"তোমাৰ উশাহ কঁহুৱা কোমল
শেৱালি কোমল হাঁহি
হাঁহিৰে হৃদয় ভৰিলে শুনাই
এটি কিবা মিঠা বাঁহী --"
কাষত বহি পাজীসেৰিয়া মোৰ
আঙুলি কেইটা চপাই ধৰোতেই
কুচিমুচিকৈ তোমাৰ বুকুত সোমাই
ৰ লাগি চাই ৰৈছিলো___
তৰাই সাঁতোৰা আকাশ
ওঁঠত ওঁঠ যুৰি নমাই আনোতেই
এজাক বৰষুণ পাৰিছিল
চাহাৰাৰ বালিত__
জুৰুলি জুপুৰি হৈছিলোঁ
দুয়োতে দুয়ো ____
আমাৰ চৌকাষে পৃথিৱী নাছিল
তেতিয়াৰে পৰা মোৰ চহৰৰ অলিয়ে গলিয়ে
ৰঙা গোলাপৰ এখনি বাগিছা_____
কস্তুৰী মৃগজনী তাৰ নিগাজী বাসিন্দা ।
----------------------------------
আঞ্জুম ।
গুৱাহাটী।
25/6/2020
আবেগ
আহিবানে তুমি এদিন?
শিতল বতাহ এজাক হৈ,
মোৰ কাষলৈ নামি।
নিবানে উৰুৱাই মোক,
সৌ আকাশলৈ ?
ডাৱৰৰ মাজত জিৰাম আমাৰ মন দুটি।
আহিলা তেতিয়াই তুমি
এজাক ধুমুহা হৈ,
ভাঙি দিলা মন চুৰ মাৰ কৰি।
আবেগেৰে ভৰা মন কিয় নিলা কাঢ়ি ?
বিচাৰিছিলো অকন সুখ,
সুখ বিচাৰি পালোগৈ দুখ।
মনৰ আবেগ অনুভুতি সকলোবোৰেই যেন
হৈ গ'ল খেলি-মেলি।
✍️Himakshi Das
নিজম নিশা।
নিজম নিশা চেঁচা পৰা হৃদয় শুই পৰিছে। আলসুৱা হৃদয় শুকুৱাই লৈছোঁ পুৱাৰ ৰ'দত । নিজম নিশা চেঁচা হৃদয় শুই পৰিছে ।প্ৰণয়ৰ মধুৰ ক্ষণত, সাবটি লৈ চুমা যাচিছোঁ চিকুণ গালত। নিজম নিশা চেঁচা পৰা হৃদয় শুই পৰিছে ।
চিনাকি চিনাকি মনেৰে , ওচৰ চাপি আহিলে চুই চাবলৈ বিচাৰোঁ মৰম প্ৰণয়ৰ ---- নিজম নিশা চেঁচা পৰা হৃদয় শুই পৰিছে ।
নিজান দুপৰীয়া বিচাৰোঁ মৰম নিচেই কাষত একেলগে উমলিবলৈ । নিজম নিশা চেঁচা পৰা হৃদয় শুই পৰিছে ।
পমুৱা তুলাৰ দৰে উৰি যোৱা ডাৱৰ চপৰাই আকাশত বিচাৰি পাইছে মৰম। নিজম নিশা চেঁচা পৰা হৃদয় শুই পৰিছে। ✍️ অনন্ত কুমাৰ ভুঞা
প্ৰেম
প্ৰেম, এখন বোৱতী নৈ, হৃদয়ৰ পৰা হৃদয়লৈ। প্ৰেম, আকাশে - ডাৱৰে নুবুজা কবিতা, বতাহে - বতাহে দিয়া মৰমৰ বতৰা। প্ৰেম, অন্তৰৰ নিভাঁজ কবিতা, বয়সত ভাগৰি নপৰা। প্ৰেম, জোনাকে - আন্ধাৰে বুটা বছা, মায়ালগা সপোনৰ এটি ঠিকনা। প্ৰেম, কল্পনাৰ সাগৰৰ গভীৰতাত ডুবি, পাৰ হোৱা উজাগৰী ৰাতি। প্ৰেম, সপোনে দিঠকে খেদি ফুৰা, হাজাৰ ৰঙীণ আকাশী তৰা। প্ৰেম, টোপাল - টোপাল বৰষুণৰ কণিকা, তিতি - তিতি আমনি নলগা।প্ৰেমৰ এনে এজাক বৰষুণত তিতি বুৰি, মই আৰু আপুনি, জোনাকৰ এটি গধূলি। দুয়োৰে ওঁঠত ওলমি, সুখৰ একাঁজলি হাঁহি। প্ৰেমে মাথোঁ যায় প্ৰেমৰ ঠিকনা বিচাৰি।
✍️ পাপু শইকীয়া ২য় শেনচোৱা গোলাঘাট)
0 Comments